Styret i Norges Korforbund Hordaland har vedtatt at Gatelaget til SK Brann skal vere mottakarar av kollekten etter nyttårskonsertane i 2020.  

Målgruppa til Gatelaget er:

Deltakarar over 18 år, deltakarar av begge kjønn, har eller har hatt rusutfordringar, motiverte for å spele fotball og ta del i eit lagfellesskap. Dei møtes kvar tysdag og torsdag gjennom heile året i tida 0930 – 1300. Aktiviteten er frokost – trening – lunsj og oppsummering etter trening og evt spelarmøte.

Dette er eit konsept som aukar sjølvkjensla til deltakarane og hjelper dei til ein betre kvardag.  Når livssituasjonen er slik den er for mange av deltakarane, så er det svært viktig å ha noko positivt å stå opp til.   

Fysisk aktivitet kombinert med sunn og god mat og der dei er i eit positivt fellesskap aukar livskvaliteten for deltakarane.

Arbeidstrening er og ein viktig del av tilbodet til deltakarane, slik at dei skal kunne få seg jobb og kunne føle seg som fullverdige menneske. Fleire av dei som er med på Gatelaget er gjennom dette i eller på veg inn i arbeidslivet.

Nytt prosjekt no:  Sunn Gatemat

Det blir jobba med å få økonomi til å starte opp med ei salgsvogn, der dei kan selje sunn Gatemat på fotballkampane.  

Målet med Sunn Gatemat:  Bærekraftig salg av sunn gatemat og drikke; kjøpt, laga og servert av gatelagsspelarane på SK Brann Dette inneber mellom anna arbeistrening og lønna arbeid til spelarane på Gatelaget og sosialt treffpunkt for deltakarane.